Idman.biz
PSJ-nin prezidenti Nasser Əl-Xelaifi "Barselona"nın baş məşqçisi Joan Laportanın UEFA-ya bağlılığına və klubları Superliqa layihəsindən çıxmağa çağırmasına cavab verib.
İdman.Biz-in xəbərinə görə, daha əvvəl "Barselona" prezidenti Joan Laporta klubları Superliqanı tərk etməyə və UEFA ilə dialoqa qayıtmağa çağırıb.
"Onların ("Barselona") qayıtması çox gözəldir. "Real Madrid"dən başqa hamı qayıdıb. Başqa yarışa ehtiyacımız yoxdur, çünki Çempionlar Liqası hamısından yaxşıdır. Bu yaxınlarda yeni format almış ən yaxşı turnirdir. Biz və "Barselona" bunu istəyirdik.
Söhbət "Barselona"nın ailəsinə qayıtmasından gedir. Bu, bizim üçün şərəf və sevincdir. Bütün klublar "Barselona"nın qayıdışından çox məmnundurlar", - Əl-Xelaifi deyib.
Xatırladaq ki, 2021-ci ilin aprelində bir neçə klubun rəhbəri Superliqanın yaradılmasına sadiq olduqlarını rəsmən təsdiqləyiblər.
