Lent.az
40 yaşlı hücumçu Kriştiano Ronaldonun "Əl-Nəsr"lə müqaviləsinin uzadılması baş tutmaya bilər.
Lent.az xəbər verir ki, buna səbəb komandanın son nəticələri, eləcə də Səudiyyə klubu rəhbərliyinin uduzduğu oyunlardan sonra portuqaliyalı futbolçunun davranışından narazı olmasıdır.
Məlumata görə, tərəflər əvvəllər əmək müqaviləsinin iki il müddətinə uzadılması barədə razılığa gəliblər, lakin "Əl-Nəsr" Asiya Çempionlar Liqasının yarımfinalında yaponiyalı "Kawasaki Frontale" ilə mübarizədən (2:3) sonra bu sövdələşmə təhlükə altında olub. Səudiyyə klubunun rəhbərlərinin Ronaldonun kuboklar qazanmasında köməyi ilə bağlı gözləntilərinin özünü doğrultmadığı vurğulanır.
Bundan əlavə, 40 yaşlı futbolçunun Səudiyyə Ərəbistanı çempionatının 30-cu turunun "Əl-İttihad"la oyununda (2:3) məğlubiyyətə münasibəti "Əl-Nəsr" rəhbərliyinin xoşuna gəlməyib. Oyunun bitməsindən dərhal sonra Ronaldo hirslə stadionu tərk edib.
