Idman.biz
Səudiyyə Ərəbistanı Kral Kubokunun 1/8 final mərhələsinin Ər-Riyadın "Əl-Nəsr" və Ciddənin "Əl-İttihad" komandaları arasında keçirilən oyun başa çatıb.
İdman.Biz bildirir ki, matç "Marsul Park" stadionunda (Ər-Riyad) keçirilib. Qonaqlar 2-1 hesabı ilə qələbə qazanıblar.
"Real Madrid"in keçmiş hücumçusu Kərim Benzema oyunun ilk qolunu 15-ci dəqiqədə vurub. 30-cu dəqiqədə ev sahibi komandanın hücumçusu Qabriel Angelo hesabı bərabərləşdirib. İlk hissənin sonlarında, 45+2-ci dəqiqədə yarımmüdafiəçi Ussem Aouar qonaqları irəli çıxarıb.
49-cu dəqiqədə "Əl-İttihad"ın müdafiəçisi Əhməd Əl-Culaydan qırmızı vərəqə alaraq meydandan qovulub.
Turnirin əvvəlki turunda "Əl-Nəsr" "Ciddə"ni 4-0 hesabı ilə məğlub edib, "Əl-İttihad" isə "Əl-Vahda"ni turnirdən kənarlaşdırıb (1-0).
