Idman.biz
İspaniya Kral Futbol Federasiyası (RFEF) ölkə kubokunun final matçında qalib gələn kluba təxminən 1,2 milyon avro ödəyəcək.
İdman.biz xəbər verir ki, bu məbləği "Marca" nəşri açıqlayıb.
11 illik fasilədən sonra İspaniya Kral kubokunun finalında "Barselona" və "Real Madrid" komandaları qarşılaşacaq.
Mənbənin məlumatına görə, "El Klasiko"da uduzan komanda isə təxminən 1 milyon avro qazanacaq. Bu məbləğ, əsasən, televiziya platformaları üçün yayım hüquqlarının satışından formalaşıb.
"Barselona" və "Real" kassa gəlirlərindən əlavə məbləğ əldə edəcəklər. Finala 50 mindən çox biletin satılacağı gözlənilir ki, qiymətləri də 72-270 avro arasında dəyişir. Təşkilati xərclər çıxıldıqdan sonra əldə ediləcək məbləğ RFEF və turnirin finalçıları arasında bölünəcək ki, bu da onların təxminən daha 1 milyon avro qazanması ilə nəticələnə bilər.
Qeyd edək ki, Sevilyadakı "La Kartuxa" stadionunda keçiriləcək qarşılaşma Bakı vaxtilə gecə 00:00-da start götürəcək.
İdman.biz
