Sport24.az
Səudiyyə Ərəbistanının "Əl-Hilal" klubu mərkəz hücumçusu Darvin Nunesin transferi üçün "Liverpul"la razılığa gəlib. Sport24.az xəbər verir ki, bu barədə insayder Fabrisio Romano X sosial şəbəkəsində məlumat paylaşıb.
Mənbənin sözlərinə görə, "Əl-Hilal" hazırkı mərhələdə təklifi qəbul etməyə yaxın olan futbolçunun özü ilə danışıqlar aparır.
Qeyd edək ki, Darvin Nunes 2022-ci ildə "Liverpul"a keçib. Uruqvaylı forvard ötən mövsüm İngiltərə Premyer Liqasında 30 oyun keçirib, 5 qol vurub və 2 məhsuldar ötürmə edib.
