Sport24.az
"Əl Əhli"nin idman direktoru Səid Əbdül Hafiz klubun "Liverpul"un hücumçusu Məhəmməd Salahın transferi üçün danışıqlara başlaması ilə bağlı gəzən söz-söhbətə münasibət bildirib. Funksioner bununla bağlı "Goal" portalına danışıb:
"Məhəmməd Salah böyük ulduzdur. O, ərəb dünyasında hansısa futbolçunun çətin təkrarlaya biləcəyi naliyyətlərə imza atıb. Hazırda o, bütün diqqətini peşəkar karyerasına yönəldib. Salahın adını "Əl Əhli" ilə yanaşı hallandırmaq medianın işidir. O, Misir futboluna və bütün ərəb dünyasına şöhrət gətirən oyunçudur. Gəlin realist olaq. Salah bir neçə ay əvvəl "Liverpul"la müqaviləsini uzadıb. "Əl Əhli"nin heç bir rəsmi nümayəndəsi bu barədə danışmayıb - hər şey sadəcə mətbuatda idi. Salaha uğurlar arzulayıram".
Qeyd edək ki, Salah 2017-ci ildən "Liverpul"un formasını geyinir. Onun klubla hazırkı müqaviləsi 2027-ci ilin yayında başa çatır.
