Idman.biz
Səudiyyə Ərəbistanının "Əl-Əhli" klubu müdafiəçi Merih Demiralın müqaviləsini uzadıb.
İdman.Biz-in məlumatına görə, türkiyəli oyunçunun Səudiyyə Ərəbistanı klubu ilə yeni müqaviləsi 2029-cu ilin yayına qədərdir.
Demiral "Karamürselspor" və "Fənərbağça" gənclər akademiyasının yetirməsidir. O, əvvəllər "Sassuolo", "Yuventus", "Atalanta" və digər klublarda oynayıb. Müdafiəçi 2023-cü ilin avqust ayından "Əl-Əhli"də çıxış edir. O, klubda 81 oyun keçirib, üç qol vurub və dörd məhsuldar ötürmə edib. Müdafiəçi klubla birlikdə Səudiyyə Ərəbistanı Superkubokunu və AFC Çempionlar Liqasını qazanıb.
