Idman.biz
"Barselona"nın sağ cinah müdafiəçisi, hazırda icarə əsasında "Elçe"də çıxış edən Ektor Fort əməliyyat olunub.
19 yaşlı futbolçu ötən turun "Rayo Valyekano"ya qarşı oyununda 6-cı dəqiqədə fərqlənsə də, artıq 12-ci dəqiqədə çiyninin çıxması səbəbindən əvəzlənib.
İdman.Biz "Sport" nəşrinə istinadən xəbər verir ki, gənc ispaniyalı əməliyyat keçirib. Onun bərpasının bir neçə həftə çəkəcəyi gözlənilir.
Ektor Fort "Elçe"nin heyətində keçirdiyi 12 oyunda 2 qol və 2 məhsuldar ötürmə ilə yadda qalıb.
Mövcud məlumatlara əsasən, "Barselona" rəhbərliyi futbolçunun icarə dövründəki çıxışından razıdır və hesab edir ki, o, gələn mövsüm Hans-Diter Flikin komandasında yer uğrunda mübarizə apara bilər.
