Sport24.az
"Nə demək olar? Növbəti mövsüm çempionatda 12 komandanın olmağı bizi sevindirir". Bu sözləri Sport24.az-a açıqlamasında Əfran İsmayılov deyib.
Misli Premyer Liqasında 2025/2026-cı illər mövsümündən legioner limitinin ləğvi qərarına münasibət bildirən millimizin sabiq futbolçusu qərarı birmənalı qarşılamayıb:
"Pul limiti qoyublar. Onsuz da pulu olan legioner gətirəcək, olmayan gətirməyəcək. Nə deyim, inşallah, Azərbaycan futbolu üçün xeyirli olar".
Qeyd edək ki, İcraiyyə Komitəsinin dünən keçirilən iclasında növbəti mövsümdən Premyer Liqada legioner limitinin ləğv olunması ilə bağlı qərar qəbul olunub.
