Sport24.az
"Millimiz üçün faydalı olan görüşlər olacaq. İstər yoldaşlıq, istərsə də, rəsmi qarşılaşmada qələbə qazanmaq vacibdir". Bu sözləri Sport24.az-a açıqlamasında Əfran İsmayılov deyib.
Azərbaycan millisinin yoldaşlıq görüşündə üz-üzə gələcək rəqibləri Belarus və Haiti ilə oyunları dəyərləndirən veteran futbolçu bu oyunlarda qalib gələndən sonra milli komandamızda ruh yüksəkliyi yaranacağını bildirib:
"Baş məşqçinin tapşırılarını yerinə yetirmək üçün futbolçular yaxşı hazırlaşmalıdır. Düzdür, normal futbolu olan ölkələr bizimlə qarşılaşmaq istəmir, amma Belarus və Haiti milliləri təklifi qəbul edib. Böyük ehtimalla, yeni oyunçular dəvət olunacaq. Bu görüşlərdən sonra millimizin hansı durumda olduğunu görə biləcəyik. Milli komanda xalq və futbolçular üçün önəmlidir. Qalib gəlsək, ruh yüksəkliyi yaranacaq".
Qeyd edək ki, Fernandu Santuşun rəhbərlik etdiyi milli martın 22-də Sumqayıtda Haiti, 25-də isə Masazırda Belarus yığması ilə qarşılaşacaq.
