Sport24.az
"Belə məğlubiyyəti gözləmirdik. Rəqib çox rahat, cərimə meydançasına daxil olurdu. Çox bəsit qollar buraxdıq". Bu sözləri Sport24.az-a açıqlamasında millimizin sabiq futbolçusu Əfran İsmayılov deyib.
Veteran futbolçu yığmamızın Haitiyə məğlub olması haqda fikirlərini bölüşüb:
"Cılız görünürdük. Uduzanda da meydanda vuruşmaq, can qoymaq lazımdır. Komandada qələbə ruhu, istək görmürəm. Lider lazımdır ki, heyəti yığsın başına. Doğma meydanda üzücü məğlubiyyət oldu. Strategiya, inkişaf fikirləşirik, amma yığmada qələbə istəyi olan futbolçu yoxdur. Daha da geri gedirik, Allah axrımızı xeyir eləsin. Növbəti oyun Belarusa qarşıdı. Heç olmasa bu oyunda qalib gəlmək lazımdır. Qələbə qazanmaq vacibdir".
Qeyd edək ki, Azərbaycan millisi Haitiyə üç cavabsız qolla uduzub.
