Idman.biz
"Real danışsaq, "Qarabağ"ın "Benfika"dan yox, "Kopenhagen"dən xal götürəcəyini gözləyirdik".
Bu sözləri sport24.az-a açıqlamasında Əfran İsmayılov deyib.
"Qarabağ"ın sabiq futbolçusu UEFA Çempionlar Liqasının Liqa mərhələsi çərçivəsində keçiriləcək "Qarabağ" – "Kopenhagen" (Danimarka) oyunu ilə bağlı gözləntilərini açıqlayıb:
"Rəqib son illərdə çox inkişaf edib, əvvəlki "Kopenhagen" deyil. Doğma meydanda oynayacağıq, tam fərqli atmosfer olacaq. İnanıram ki, "Qarabağ" ən yaxşı oyununu nümayiş etdirərək, çətin də olsa, qələbə qazanacaq. "Kopenhagen"lə bir dəfə qarşılaşmışıq. Mən də həmin heyətdə idim. Səfərdə uduzsaq da, səfər qoluna görə onları üstələmişdik. İndi rəqib komanda daha sürətli oynayır və hücumda yaxşı çıxış edir. "Qarabağ" belə komandalara qarşı çox oynayıb. Qrupda 1 və ya 3 xal qazanacağımız kollektivdir. İnanıram futbolçular da bunu dərk edir. Qarşıda matçlar çoxdur. Nə qədər irəli gedə bilsək, bir o qədər futbolumuz adına böyük uğura imza atmış olacağıq".
Qeyd edək ki, "Qarabağ" - "Kopenhagen" matçı oktyabrın 1-də Tofiq Bəhramov adına Respublika stadionunda baş tutacaq. Qarşılaşmanın start fiti saat 20:45-də səslənəcək.
