Sport24.az
Azərbaycan millisinin idman direktoru İlqar Qurbanovun "İctimai" TV-də səsləndirdiyi fikirlər müzakirəyə səbəb olub. O, "Sabaha saxlamayaq" verilişində millinin baş məşqçisi Fernandu Santuşdan əvvəl yığmaya sifarişlə oyunçu çağırıldığını bildirib.
Millinin keçmiş futbolçusu Əfran İsmayılov Sport24.az-a açıqlamasında Qurbanovun fikirlərinə münasibət bildirib:
"Verilişə baxmışam. İlqar Qurbanov qeyri-adi açıqlama verib. Tarix açıqlasın nə vaxt olub. Bizim xəbərimiz yoxdur. İnanmıram belə hal baş versin. Yığma komanda uşaq futbolu, akademiya deyil. 10 il milli komandanın şərəfini qorumuşam. Heç vaxt görməmişəm kimsə güclüdürsə, otursun ehtiyyatda zəif oynasın. Açıqlama verəndə gərək biləsən nə deyirsən. Desin söhbət hansı futbolçulardan gedir".
