Sport24.az
"Mançester Siti"nin qapıçısı Ederson mövhumata görə 8 ildir eyni şortda meydana çıxdığını etiraf edib. Sport24.az xəbər verir ki, o, bu barədə BBC-yə, "şəhərlilər"in sabiq qolkiperi Şey Givenə müsahibəsində bildirib:
"Mən hər matçda eyni şortda oynayıram. Bütün mövsüm? Xeyr, səkkiz ildir eyni şortu geyinirəm". 31 yaşlı braziliyalı 2017-ci ildə "Benfika"dan "Mançester Siti"yə transfer olunub.
Qeyd edək ki, Ederson cari mövsümdə komandasının heyətində 30 oyun keçirib, 45 qol buraxıb. 7 matçda isə qapısını toxunulmaz saxlayıb. Onun "Mançester Siti" ilə müqaviləsi 2026-cı ilin yayında başa çatır.
