Idman.biz
"Çelsi", "Real" və Belçika millisinin sabiq futbolçusu Eden Azar 2025-ci ilin "Qızıl top" mükafatını qazanan hücumçu Usman Dembelenin uğuru ilə bağlı fikirlərini bölüşüb.
İdman.biz xəbər verir ki, Azar PSJ və Fransa millisinin liderini təbrik edərək, onun qazandığı uğurun ədalətli olduğunu bildirib.
Dembeleni təbrik edən Azar bildirib ki, o, bu "Qızıl top"u tam layiqincə qazanıb: "Amma Lamin Yamalın gördüyü işlər heyrətamizdir. Onun 18 yaşında bu səviyyəyə çatması inanılmazdır. Məncə, belə bir performansa bu yaşda yalnız Messi nail ola bilmişdi. Adətən bu cür səmərəlilik yaş artdıqca, təcrübə ilə gəlir. Amma Yamal sanki 28 yaşlı, 500 oyun təcrübəsi olan futbolçu kimi oynayır."
Qeyd edək ki, geridə qalan mövsümdə Usman Dembele klub səviyyəsində bütün turnirlərdə 53 oyuna çıxıb, 35 qol vurub və 16 asistlə yadda qalıb. PSJ ilə o, Fransa çempionluğu, ölkə kuboku, Superkubok, həmçinin UEFA Çempionlar Liqası və UEFA Superkubokunun qalibi olub.
