Sport24.az
"Məşqlərə start vermişik. Hər şey öz qaydasındadı. Əsas sıxıntımız stadionla bağlıydı ki, onu da həll etmişik. Məşq etmək üçün iki meydanımız var. Ən azı ötən mövsümdəki kimi əziyyət çəkməyəcəyik". Bu sözləri Sport24.az-a açıqlamasında "Mingəçevir"in baş məşqçisi Ədəhim Niftəliyev deyib.
47 yaşlı mütəxəssis toplanış, transfer çalışmaları və yoxlama görüşləri barədə də danışıb: "İki qapıçımızla yanaşı, sıralarımızı tərk edən oyunçular var. Hazırda bir neçə oyunçu düşərgəmizdə baxışdadı. Hələlik onları sınayırıq. 3 yoxlama görüşü keçirməyi planlaşdırmışdıq ki, artıq biri baş tutub. Avqustun 7-də "Şəmkir"i sınağa çəkdik və 5:1 qalib gəldik. Ayın 13-ü "Karvan", 19-u isə "Qəbələ"ylə oynayacağıq".
Qeyd edək ki, I Liqada mövsüm sentyabrın 11-də start götürür. Mingəçevirin eyniadlı təmsilçisi ilk turda MOİK-in qonağı olacaq.
ABDULLA İSMAYILOĞLU
