Idman.biz
Braziliya məhkəməsi "Bavariya"nın və "Yuventus"un keçmiş hücumçusu Duqlas Kosta barədə 78 min avrodan çox ödənilməmiş uşaq alimentinə görə həbs qərarı verib.
İdman.biz-in "Globe Esporte"yə istinadən verdiyi məlumata görə, qərar Portu-Aleqrinin 6-cı Ailə Məhkəməsi tərəfindən verilib. Hökmdə 30 günlük həbs cəzası nəzərdə tutulub və o, iki il müddətində qüvvədədir.
Hüquqi çətinliklər fonunda "Sidney" klubu 35 yaşlı futbolçu ilə müqaviləni qarşılıqlı razılıq əsasında ləğv etdiyini açıqlayıb. Kosta ötən il Avstraliya klubuna keçib və 25 oyunda 6 qol vurub. O, şəxsi məsələlərini həll etmək üçün Braziliyada qalmağa məcbur olduğunu bildirərək azarkeşlərdən üzr istəyib.
Baş məşqçi Ufuk Talay Kostaya verdiyi töhfəyə görə təşəkkür edib və münasibətlərə son qoymaq qərarının klubun yeni mövsümə hazırlığı baxımından ən yaxşı mənada verildiyini qeyd edib. "Sidney" A-Liqa çempionluğu uğrunda mübarizə aparmaq ümidi ilə heyətini artıq səkkiz yeni oyunçu ilə gücləndirib.
İdman.biz
