Idman.biz
Transfermarkt portalının məlumatına görə dünya futbolunda çıxış edən ən bahalı hücumçuların reytinqi açıqlanıb.
İdman.Biz xəbər verir ki, üç futbolçu eyni - 200 milyon avro (təxminən 400 milyon AZN) transfer dəyəri ilə siyahıya başçılıq edir.
Reytinqin zirvəsində İspaniya təmsilçisi Lamin Yamal, norveçli hücumçu Erlinq Holand və fransalı forvard Kilian Mbappe yer alıb.
Siyahıda növbəti pillədə 150 milyon avro (təxminən 300 milyon AZN) ilə braziliyalı Vinisius Junior qərarlaşıb.
Onu 130 milyon avro (təxminən 260 milyon AZN) transfer dəyəri ilə Bukayo Saka, Aleksander İsak və Maykl Olise izləyir.
Beləliklə, hazırda dünya futbolunda ən yüksək bazar dəyərinə malik hücumçular məhz bu futbolçular hesab olunur.
