Qol.az
Səudiyyə Ərəbistanı 2034-cü il dünya çempionatında 64 milli komandanı qəbul etməyə hazır olduğunu bəyan edib.
QOL.az "L"Équipe" nəşrinə istinadən xəbər verir ki, bu haqda Səudiyyə Ərəbistanının idman naziri, şahzadə Əbdüləziz ibn Turki ibn Feysala bildirib.
"Biz buna hazırıq. Əgər FIFA belə bir qərar qəbul edərsə və bunun hamı üçün daha yaxşı olacağını düşünərsə, biz bu qərarı sevinclə və hörmətlə qarşılayacağıq", - deyə o vurğulayıb.
Qeyd edək ki, Cənubi Amerika Futbol Konfederasiyasının (CONMEBOL) prezidenti Alejandro Dominqes FIFA-ya 2030-cu il dünya çempionatının final mərhələsinin 64 komandaya qədər genişləndirilməsini təklif edib.
