Idman.biz
Dünən İspaniyada "Real Madrid" və "Barselona" komandaları arasında keçirilən "El Klassiko" oyun ərzindəki gərgin anlarla yanaşı, qısa fasilələrdə və oyundan sonra yaranan qarşıdurmalarla da yadda qalıb.
İdman.Biz xəbər verir ki, qarşılaşmada gərgin mübarizə ilə yanaşı ən çox diqqət çəkən epizodlar "Real"ın sol cinah hücumçusu Vinisius Juniorla bağlı olub.
O, əvvəlcə Pedrini təhqir edib. Buna səbəb "Barselona"nın mərkəz oyunçusu Pedri Qonzalesin əks-hücum zamanı Vinisiusa sürətdə uduzması və məcbur qalaraq onun köynəyindən tutub dartması olub. Vinisius isə üzünü hakimə çevirərək:
"O kapitan deyil, sənə yaxınlaşmağa icazəsi yoxdur. Mənə toxunma, ona da mənə toxunmağa icazə vermə. O həmişə danışır, həmişə danışır. Yetər artıq mızıldadığı", - deyə etiraz edib.
Xabi Alonso onu əvəzləməyi qərara aldıqda isə Vinisius Junior ehtiyat skamyasına doğru gedərkən məşqçiyə əsəbi şəkildə: "Mən komandadan gedəcəm, mənim üçün buradan getmək daha yaxşıdır", deyib və bunun ardınca Alonsonu açıq şəkildə söyüb.
Baş məşqçi isə həmin an: "Davam et, Vini, lənətə gəlmiş!" - deyə səslənib.
Oyundan sonra gərginlik meydanda da davam edib. Vinisius görüş başa çatdıqdan sonra yenidən meydana çıxaraq Lamin Yamala yaxınlaşaraq onu sözləri ilə təxribata çəkib: "Sən çox danışırsan. Bildiyin yeganə şey topu arxaya ötürməkdir".
Bunun cavabında isə Yamal rəqibinə tunelə enib təkbətək söhbət etməyi, yəni dalaşmağı təklif edib. Lakin futbolçular tunelə çatmadan komanda yoldaşları tərəfindən ayrılaraq paltardəyişmə otaqlarına aparılıblar.
Qeyd edək ki, gərginliyin fonu matçdan əvvəl də mövcud idi. Yamal görüş öncəsi "Real"ı hiyləgərlikdə və daima şikayət etməkdə ittiham etmişdi. Onun atası isə Laminin "Real"ı "qızardacağını" bildirmiş, Madrid klubunu "qabırğa" ilə müqayisə etmişdi.
