Sport24.az
"Qalatasaray"ın sabiq futbolçusu Didye Droqba hazırda "Fənərbaxça"nın baş məşqçisi Joze Mourinyonu müdafiə edib. Sport24.az xəbər verir ki, daha öncə portuqaliyalı məşqçi "sarı-qırmızılar"ın texniki zonası haqda "meymun kimi tullanırdılar" ifadəsini səsləndirib.
Bu sözlər mediada irqçilik kimi qəbul olunub.
Droqba öz sosial şəbəkələrində bununla bağlı deyib: "Bilirsiniz ki, sarı və qırmızı formanı geyinmək mənim üçün necə fəxr idi. Mənim Türkiyənin ən titullu klubuna sevgim böyükdür. Bilirik ki, bəzən rəqabət necə istəkli və qızğın keçir və mən şanslı olmuşam ki, bunları yaşamışam.
Mourinyonun bununla bağlı şərhlərini gördüm. İnanın mənə, çünki mən onu 25 ildir tanıyıram və o, irqçi birisi deyil. Tarix bunu sübut edir. Gəlin oyunlara fokuslanaq və bizim mükəmməl şirlərimizə dəstək olaq. Gəlin liqanı qazanaq və 5-ci ulduza daha da yaxın olaq. Mənim "atam" necə irqçi ola bilər axı".
