Sport24.az
"Real"ın və "Alaniya"nın sabiq yarımmüdafiəçisi Royston Drente Vladiqafqaz klubunda futbolçuların matçlardan əvvəl araq içdiyini deyib. Sport24.az xəbər verir ki, veteran futbolçu bu barədə AS-a müsahibəsində bildirib:
"Komanda yoldaşlarım arağı çox sevirdi, hətta məşqçinin də xoşuna gəlirdi. Matçdan əvvəl bir stəkan içirdilər. Amma mən, araqdan çox, bir stəkan viski içməyi üstün tuturdum. Orada normaldı. Məsələn, Türkiyədə matçlardan sonra duşda siqaret çəkmək adət idi".
Qeyd edək ki, Drente karyerası ərzində "Real", "Herkules", "Everton", "Ridinq", "Şeffild Uensdey", "Kayseri Erciyesspor" və Sparta kimi klubların formasını geyinib. O, Niderland yığmasında 1 oyun keçirib.
