Idman.biz
PSJ qapıçısısı Canluici Donnarummanın transferindən 26 milyon funt sterlinq (təxminən 30 milyon avrodan bir qədər çox) qazanmaq niyyətindədir.
İdman.biz xəbər verir ki, bu barədə "Give Me Sport"un jurnalisti və insayderi Ben Ceykobs sosial şəbəkə hesabında məlumat verib.
İtaliyalı futbolçunun karyerasını İngiltərə Premyer Liqasında davam etdirmək istədiyi bildirilir. Buna görə də o, daha əvvəl Türkiyənin "Qalatasaray" və Səudiyyə Ərəbistanının "Əl-İttihad" klublarından gələn sərfəli təklifləri rədd edib.
26 yaşlı qolkiperin "Mançester Yunayted"ə keçəcəyi gözlənilir.
Bundan əvvəl PSJ-nin Donnarumma ilə müqavilənin müddətinin uzadılması ilə bağlı danışıqların dalana dirəndiyi bildirilmişdi. Bu səbəbdən klub italiyalını satışa çıxarıb. Onun əvəzinə isə Paris klubu "Lill"dən Luka Şevalyeni transfer edəcək.
İdman.biz
