Idman.biz
Türkiyənin "Fənərbağça" klubunun baş məşqçisi Domeniko Tedesko komandasının UEFA Avropa Liqasının altıncı turunda Norveçin "Brann" komandası ilə keçiriləcək qarşılaşmaya tam hazır olduğunu bildirib.
İdman.Biz xəbər verir ki, Tedesko matçdan əvvəl təşkil olunan mətbuat konfransında, komandanın hazır olduğunu və üç xal üçün əllərindən gələni edəcəklərini bildirib.
O, hücum xəttində Yussuf en-Nesririnin oynayacağını təsdiqləyib, Marko Asensionun isə əzələ problemi səbəbindən heyətdə olmayacağını açıqlayıb.
Gənc çalışdırıcı fiziki hazırlığın yüksək səviyyədə olduğunu vurğulayıb:
"Avropa matçlarında yüz faiz nəticə vermək lazımdır. Komanda içində enerji yaxşıdır. Hazırıq və qazanmaq istəyirik".
Tedesko rotasiya, komanda problemləri və transfer məsələlərinə də toxunub:
"Transfer pəncərəsi açılmayıb, amma komandamdan məmnunam. Fürsət olarsa, rəhbərliklə müzakirə edərik. Rodriqo Bekan mövzusu isə klub daxilində qalacaq".
"Fənərbağça"nın hücumçusu Dorgeles Nene də qarşıdakı oyunun əhəmiyyətindən danışıb:
"Maksimumu göstərmək, komandaya töhfə vermək istəyirəm. Şərtlərdən asılı olmayaraq məqsədimiz üç xalı almaqdır. Sol cinahda özümü daha rahat hiss edirəm, amma hər yerdə komandaya kömək etməyə hazıram".
Qeyd edək ki, "Brann" - "Fənərbağça" oyunu 12 dekabr, Bakı vaxtı ilə saat 23:59-da keçiriləcək.
