Idman.biz
"Nottingem Forest"in hücumçusu Tayvo Avoniyi təcili qarın əməliyyatından sonra süni koma vəziyyətində xəstəxanadadır.
İdman.biz xəbər verir ki, 27 yaşlı futbolçunun həyatı təhlükəsi yoxdur və ümid edilir ki, koma onun hərəkətliliyini məhdudlaşdırmağa və ürək döyüntülərini tənzimləməyə kömək edəcək.
Bazar günü "Lester"lə 2:2 hesablı heç-heçə bitən oyunda 83-cü dəqiqədə meydana çıxan Avoniyinin dirəklə toqquşduqdan sonra bağırsağı cırılıb.
Nigeriyalı açıq-aydın narahatlığa baxmayaraq, oynamağa davam edib. Amma bazar ertəsi axşam klubun tibb işçiləri tərəfindən aparılan əlavə müayinələr onun vəziyyətinin nə qədər ağır olduğunu üzə çıxardıqdan sonra xəstəxanaya aparılıb.
"Nottingem Forest" Avoniyinin əməliyyatdan sonra sağalmağa doğru getdiyini açıqlayıb.
İdman.biz
