Report.az
"Portu"nun (Portuqaliya) qapıçısı Dioqu Koşta İngiltərənin "Mançester Siti" klubuna keçməyə yaxındır.
"Report" BBC-yə istinadən xəbər verir ki, Premyer Liqa təmsilçisi transferlə bağlı qarşı tərəflə razılığa gəlib.
"Mançester Siti"nin 25 yaşlı oyunçu üçün tələb olunan 75 milyon avronu ödəməyə hazır olduğu bildirilib.
Qeyd edək ki, D.Koştanın "Portu" ilə müqaviləsinin müddəti 2027-ci ilə qədərdir. Qolkiper 2024/2025 mövsümündə 43 matçda meydana çıxıb. "Transfermarkt" onun dəyərini 40 milyon avro qiymətləndirir.
