Idman.biz
Bu gün "Liverpul"un və Portuqaliya millisinin hücumçusu Dioqo Jota və "Penafiel"də çıxış edən qardaşı Andre Silva dəfn olunublar.
İdman.biz xəbər verir ki, mərasim futbolçuların böyüdüyü Qondomar şəhərinin qəbiristanlığında baş tutub.
Futbolçular avtomobil qəzasında ölüblər: "Liverpul"un forvardının maşını yoldan çıxaraq alovlanıb və onlar çölə çıxa bilməyiblər.
Dəfn mərasimində "Liverpul"un futbolçuları və Jotanın Portuqaliya millisindəki oyundaşları da iştirak ediblər. Ruben Neveş və Joao Kanselo klublararası dünya çempionatının 1/4 finalında "Əl-Hilal"a qarşı keçirilən oyundan 24 saat keçməmiş ABŞ-dan gəliblər. Sözügedən oyundan əvvəl Jota və qardaşının xatirəsinə bir dəqiqəlik sükut zamanı futbolçular göz yaşlarını saxlaya bilməyiblər. Neveş ən yaxın dostlarından biri kimi Jotanın tabutunu daşıyıb.
Qeyd edək ki, dəfn mərasimində Azərbaycan millisinin baş məşqçisi Fernandu Santuş da iştirak edib.
İdman.biz
