Sport24.az
Yanvarın 14-də təlim-məşq toplanışı üçün BƏƏ-yə yollanacaq Moskva "Dinamo"su Ülvi Babayevi heyətə salmayıb. Sport24.az xəbər verir ki, bu barədə "Sport-ekspress" məlumat yayıb.
Babayevin "Dinamo" ilə müqaviləsinin bitməsinə altı ay qalıb və bu, ona başqa bir klubla danışıqlaqra başlamağa imkan verir.
Dekabrın sonunda jurnalist İvan Karpov Babayevin karyerasını "Spartak"da davam etdirəcəyini bildirib.
Noyabrda isə "Dinamo"nun Direktorlar Şurasının üzvü və klubun Məsləhət Şurasının sədri Sergey Stepaşin Babayevə əzəli rəqiblərinə qoşulmamaq barədə xəbərdar edib: "Spartak yoxdur! Taşayev kimi biri var idi - o, "Spartak"a keçdi və karyerası sona çatdı! Məni başa düşdün?"
Qeyd edək ki, azərbaycanəsilli futbolçu bu mövsüm "ağ-göylər"in heyətində 15 oyunda 5 qol vurub.
