Idman.biz
"Dinamo Moskva" Ülvi Babayevin müqaviləsini uzatmaq üçün danışıqlar aparır.
İdman.Biz bu barədə insayder İvan Karpova istinadən bildirir.
Məlumata əsasən, son günlərdə yarımmüdafiəçinin komandası ilə Moskva klubu arasında yeni müqavilə ilə bağlı aktiv danışıqlar aparılır. Hazırkı müqavilə bu mövsümün sonuna qədər qüvvədədir.
Karpov Babayevin komanda çatından kənarlaşdırıldığını və ilk təlim-məşq toplanışına daxil edilməyəcəyini təsdiqləyib, lakin bunun indi yox, bir müddət əvvəl baş verdiyini deyib.
Həmçinin iddia edilir ki, "Spartak Moskva" mümkün transferlə bağlı oyunçu ilə danışıqları dayandırıb.
20:26
"Dinamo Moskva" klubu Denis Makarov və Ülvi Babayevin qış təlim-məşq toplanışına "ağ-göylər"in ikinci komandasının tərkibində başlayacağını açıqlayıb.
İdman.Biz xəbər verir ki, daha əvvəl Babayevin "Spartak Moskva"ya keçmək istəyinə görə "Dinamo"nun təlim-məşqinə götürülmədiyi bildirilirdi.
"Yanvarın 12-də "Dinamo" oyunçuları yaz hazırlıqlarına başlamazdan əvvəl tibbi müayinədən keçiblər. Yarımmüdafiəçi Denis Makarov əmək müqaviləsinin şərtlərinə uyğun olaraq fiziki hazırlıq səviyyəsini artırmaq və qorumaq üçün "Dinamo-2" ilə mövsümöncəsi məşqlərə başlayacaq. Yarımmüdafiəçi Ülvi Babayev də "Dinamo-2" ilə mövsümöncəsi məşqlərə başlayacaq", - "Dinamo"nun mətbuat xidməti məlumat yayıb.
