İdman.biz
Çempionlar Liqasının pley-off mərhələsində "Qarabağ"ın rəqibi olan Zaqreb "Dinamo"su Bakıya tam heyətlə gələcək.
İdman.biz xəbər verir ki, baş məşqçi Sergey Yakiroviç zədəli oyunçuları da cavab görüşünə gətirməyə qərar verib.
Stefan Ristovski və Ariyan Ademi avqustun 28-dəki görüş üçün ölkəmizə gələn heyətdə yer alacaq. İlk matçda zədələnən Ristovski Bakıda oynamayacaq. Ademi ilə bağlı qərar qarşılaşma günü veriləcək. "Qoritsa" ilə çempionat görüşündə üzündən güclü zərbə alan Sami Mmaenin durumuna da aydınlıq gəlib. Ciddi zədə almayan futbolçu "Qarabağ"a qarşı forma geyinə bilər.
Qeyd edək ki, avqustun 28-də keçiriləcək "Qarabağ" – "Dinamo" oyunu saat 20:45-də başlayacaq.
İdman.biz
