Idman.biz
Ağsunun "Difai" futbol klubu sabiq qolkiperi Aleksandr Prikrostovu məhkəməyə verəcək.
İdman.biz Oxu.Az-a istinadən xəbər verir ki, futbolçu sosial media hesabından ayağının işləmədiyini, həkim tərəfindən əməliyyat olunduğu zaman çirk olduğunu və bu səbəbdən ayağını itirəcəyini bildirib.
Aleksandr Prikrostov sosial şəbəkə hesabından əlavə olaraq bildirib ki, klub tərəfindən ona dəstək olunmayıb, hətta təzminat ödənilməlidir.
Mövzu ilə bağlı araşdırma zamanı isə bəlli olub ki, mövzu tamamilə fərqlidir.
Klub idmançıya sponsoru olan xəstəxanaya yerləşdirilməsini təklif edib, o isə başqa klinikaya keçirilməsini tələb edib.
"Difai Ağsu" rəsmiləri isə futbolçunun oyun və ya məşq prosesi zamanı xəsarət almadığını, şəxsi evində dizindən zədələndiyindən və müqavilədə də belə olduğu halda maliyyə dəstəyi verməli olmadıqlarını bildiriblər.
Əldə olunan məlumata görə, hətta futbolçu klubu AFFA-ya şikayət edib və qarşı tərəf 7 256.13 manat məbləğində təzminatı futbolçuya ödəyib.
Futbolçu isə klub rəhbərliyini təhdid edərək daha artıq məbləğ tələb edib.
İdman.biz
