Idman.biz
"Mançester Yunayted"in keçmiş hücumçusu Dieqo Forlan "Çelsi" ilə oyunda baş verən hadisəni xatırladıb və bunun onun klubdakı son matçı olduğunu bildirib.
İdman.Biz xəbər verir ki, futbolçu oyundan əvvəl baş məşqçi Ser Aleks Ferqyusonun ona yağışlı hava və yaş meydançaya görə uzun şipli buts geyinməyi tapşırdığını, lakin öz bildiyi kimi etdiyini deyib.
O bildirib ki, meydançaya çıxdıqdan sonra iki real qol şansını sürüşərək qaçırıb. Bundan sonra butsunu dəyişmək istəyəndə Ferqyuson onun butslarını kənara atıb və oyunu həmin butslarla davam etdirməsini əmr edib.
Futbolçu əlavə edib ki, məhz həmin matç onun "Mançester Yunayted"dəki son oyunu olub.
