Idman.biz
FIFA "Çelsi"nin əfsanəsi Didye Droqba və "Milan"ın keçmiş ulduzu Corc Veanın da daxil olduqları yeni irqçiliklə mübarizə komissiyasının tərkibini açıqlayıb.
İdman.biz xəbər verir ki, komissiya kişi və qadın futbolunun nümayəndələrinin iştirakı ilə yaradılıb və stadionlarda və internetdə ayrı-seçkiliyin qarşısının alınması işini gücləndirmək məqsədi daşıyır.
Təşkilatdan verilən məlumata görə, iştirakçılar irqçiliklə mübarizə strategiyaları ilə bağlı tövsiyələr verəcək, maarifləndirici təşəbbüslərə qoşulacaq və qaydalara dəyişikliklər təklif edəcəklər. Vea komissiyanın fəxri kapitanı təyin edilib və müsahibəsində futbolda birlik və inkişafın gücünü gördüyünü qeyd edib.
FİFA prezidenti Canni İnfantino vurğulayıb ki, irqçiliyin həm futbolda, həm də ondan kənarda təzahürləri effektiv şəkildə cəzalandırılmalıdır.
İdman.biz
