Sport24.az
Fransa millisinin baş məşqçisi Didye Deşam Millətlər Liqasının yarımfinalında İspaniyaya qarşı keçirəcəkləri oyundan əvvəl UEFA-nın mətbuat xidmətinə açıqlama verib. Sport24.az xəbər verir ki, Deşam 2024-cü ildə ispanlara məğlubiyyəti yada salmaq istəmədiyini vurğulayıb:
"Qisas" sözünü sevmirəm. Bu, fərqli turnir, fərqli yarımfinaldır. Bu, finala çıxmaq üçün yeni fürsətdir. Avro 2024-ün yarımfinalına qayıtmaq istəmirəm, amma razıyam ki, İspaniya o zaman bizdən üstün idi, xüsusən də topa sahib olmaq baxımından. Keçən dəfə ispanların bizdən daha yaxşı olduğunu inkar etmirəm, amma aramızda böyük fərq olduğunu da düşünmürəm.
İspaniya ilə matçda ən optimal variant müdafiədə çox yaxşı oynamaqdır. Amma yalnız müdafiədə oynamaq haqqında düşünürsənsə, o zaman futbol oynamağın ümumiyyətlə mənası yoxdur. Müdafiə ilə hücum arasında tarazlıq tapmaq lazımdır. Rəqibimiz topla daha çox oynamağı xoşlayır və çalışır. Bizim əsas vəzifəmiz İspaniya yığmasının meydanda işini çətinləşdirməkdir".
Qeyd edək ki, İspaniya - Fransa matçı bu gün keçiriləcək. Oyunun start fiti Bakı vaxtı ilə saat 23:00-da səslənəcək.
