Idman.biz
Fransa millisi sabah DÇ-2026-nın seçmə mərhələsində Azərbaycanla oyunda qələbə qazanmaq üçün bütün imkanlarını səfərbər edəcək.
İdman.Biz xəbər verir ki, Fransa yığmasının baş məşqçisi Didye Deşam DÇ-2026-nın seçmə mərhələsində sabah Azərbaycanla keçirəcəkləri oyundan öncə mətbuat konfransında bunu bildirib.
O, çalışdırdığı komandanın vəziyyətini qiymətləndirib:
"Artıq DÇ-2026-nın final mərhələsində iştirak hüququnu təmin etmişik. Mbappedən başqa digər itkilərimiz də mövcuddur. Buna baxmayaraq, sabah Fransa millisi olaraq bütün imkanlarımızı səfərbər edəcəyik, çünki məqsədimiz hər oyunda qələbə qazanmaqdır".
Qeyd edək ki, Azərbaycan - Fransa qarşılaşması noyabrın 16-da, Tofiq Bəhramov adına Respublika stadionunda saat 21:00-da start götürəcək.
