Sport24.az
"Roma"nın futbolçusu Paulo Dibala zədələnib. Sport24.az xəbər verir ki, argentinalı hücumçu Avropa Liqasının pley-off mərhələsinin ilk oyunları çərçivəsində "Porto" ilə matçda sıradan çıxıb. O, görüşün 39-cu dəqiqəsində əvəzlənib.
31 yaşlı fovardın zədəsi ciddi deyil. O, gələn həftə yaşıl meydanlara qayıdacaq. Lakin Dibala A seriyasında "Parma" ilə sabahkı oyunu buraxacaq.
Qeyd edək ki, cari mövsüm Dibala 30 matçda 6 qol vurub və 3 məhsuldar ötürmə verib.
