Idman.biz
Sabiq futbolçu Devid Bekhem İngiltərənin səviyyəcə dördüncü divizionunda (İkinci Liqa) çıxış edən "Salford" klubunun tam sahibi olub.
Əvvəllər o, "Mançester Yunayted"dən keçmiş komanda yoldaşları Rayan Giqqs, Fil Nevill, Pol Skouls və Niki Batt ilə birgə klubda kiçik bir paya sahib idi, lakin indi Nevill ilə birlikdə "Salford"un yeganə səhmdarlarıdır.
Bu mövsüm sona qədər pley-offa vəsiqə uğrunda mübarizə aparan "Salford" 69 xalla yalnız səkkizinci yeri tutub. 4-7-ci pillələrdə qərarlaşan komandalar üçün daha üst diviziona yüksəlmək uğrunda mübarizə davam edəcək. İlk üç yeri tutan komandalar vaxtından əvvəl üçüncü diviziona (Birinci Liqa) çıxıblar.
"Salford"da yeni dövrü bir çox oyunçunun qovulması ilə başlayıb. Mövsümün yenicə başa çatmasına baxmayaraq, yeni rəhbərlik azarkeşlər tərəfindən çox sevilən klub əfsanəsi Metyu Landa da daxil olmaqla 17 futbolçunun müqaviləsinə xitam verib.
İdman.biz
