Idman.biz
İngiltərə millisinin sabiq futbolçusu Devid Bekhem peşəkar futbolda olduğu vaxtla bağlı maraqlı detalları açıqlayıb.
İdman.Biz xəbər verir ki, 50 yaşlı D.Bekhemin fikirlərini "The Super League" nəşri yayıb.
Keçmiş futbolçu etiraf edib ki, İspaniyada onun üçün hər zaman yalnız bir klub mövcud olub - "Real Madrid".
Onun sözlərinə görə, "Mançester Yunayted" bir vaxtlar onu "Barselona"ya satmağa hazırlaşıb. Futbolçu qeyd edib ki, istirahətdə olduğu vaxt katalon klubunun təklifinin artıq qəbul edildiyi barədə məlumat alıb. Bu xəbər onun üçün gözlənilməz olub. O, dərhal rəhbərliyə bildirib ki, əgər satılacaqsa, bu yalnız "Real Madrid"ə olmalıdır.
D.Bekhem "Real"dan başqa variantı qəbul etmədiyini açıq şəkildə ifadə edib. Bildirilib ki, məhz bundan təxminən bir yarım gün sonra Madrid klubu transferlə bağlı konkret addım atıb.
