Sport24.az
Fransa millisi UEFA Millətlər Liqasında 1/4 finala vəsiqə uğrunda pley-off mərhələsinin ilk oyununda Xorvatiyaya uduzub – 0:2. Sport24.az xəbər verir ki, "xoruzlar"ın baş məşqçisi Didye Deşam nəticəni belə şərh edib:
"Oyuna yaxşı başlasaq da, səhvlər etdik. Qapıçımız Mayk Menyan penaltini dəf etdi və bundan sonra bəzi şanslar yaratdıq. Lakin son nöqtələri qoya bilmədik. Əvəzində rəqib 2 qol vurdu. Fasilədən sonra da yaxşı oynadıq və qol imkanları yaratdıq. Ancaq dəqiqlik çatmadı.
Ümumilikdə, birinci hissədə çox zəif oynadıq. Cavab oyununda qələbə qazanmağa çalışacağıq. İlk oyunda kifayət qədər səhvlər etdik".
Tərəflər arasındakı cavab oyunu martın 23-də olacaq.
