Idman.biz
Fransa yığmasının baş məşqçisi Didye Deşam DÇ-2026-nın seçmə mərhələsində İslandiya ilə 2:2 hesablı heç-heçə ilə nəticələnən oyun barədə sərt danışıb.
İdman.Biz-in məlumatına görə, Deşam futbolçularının oyunundan və hakim heyətindən narazı qalıb.
"Məni qəzəbləndirən ikinci qolu necə buraxdığımızdır. Biz çox açıq idik, baxmayaraq ki, yenicə qol vurmuşduq. Komanda səhv mövqedə idi. Ola bilsin ki, bir az konsentrasiya pozulub, amma bizdə belə olmamalıdır.
İlk qolda (Fransa yığmasının qapısına) Koneyə qarşı qayda pozuntusu oldu. Görünür, bəzən onlar (hakimlər) yatırlar. Bu qol ləğv edilə bilərdi", - "RMC Sport" Deşamın sözlərindən sitat gətirib.
Seçmə mərhələnin dörd oyunundan sonra Fransa millisinin 10 xalı var və Azərbaycanın da olduğu D qrupunda birincidir.
