Sport24.az
Denis Buanqa "Los Angeles" ilə müqaviləsini uzadıb. Sport24.az ESPN-ə istinadən xəbər verir ki, hücumçu bir il də artırmaq şərti ilə 2028-ci ilin sonuna qədər nəzərdə tutulan yeni anlaşmaya imza atıb.
2022-ci ilin avqustunda "Sent Etyen"dən MLS klubuna transfer olunan 31 yaşlı qabonlu ABŞ çempionatının ən güclü forvardlarından biri hesab olunur. O, 2025-ci il mövsümündə "Los Angeles FC" tarixinin ən çox qol vuran oyunçusu olub. Denis klubun heyətində ümumilikdə 152 oyunda 101 qol vurub və 42 məhsuldar ötürmə edib.
Qeyd edək ki, Buanqa bu mövsümə də uğurla start verib. Hücumçu ötən həftə KONKAKAF Çempionlar Kubokunda het-trik edib. MLS-in birinci turu çərçivəsində baş tutan "İnter Mayami" ilə görüşdə isə bir qol və bir məhsuldar ötürmə ilə yadda qalıb.
