Idman.biz
Usman Dembele Çempionlar Liqasının cavab matçını buraxa bilər.
İdman.biz xəbər verir ki, onun "Arsenal"la Parisdə keçiriləcək oyunda PSJ-nin heyətində meydana çıxması sual altına düşüb.
Cinah hücumçusu bud nahiyəsindəki zədədən əziyyət çəkir. O, bu gün komandanın məşqində iştirak etməyib. Dembeleyə mayın 3-də Fransa çempionatında "Strasburq"la keçiriləcək oyunda istirahət veriləcək.
Qeyd edək ki, Usman Londonda baş tutan ilk oyunda PSJ-yə qələbə qazandıran yeganə qolun müəllifi olub. O, bu mövsümdə Çempionlar Liqasında 8 dəfə fərqlənib.
İdman.biz
