Idman.biz
PSJ-nin cinah oyunçusu Usman Dembeleyə ildə 30 milyon avro dəyərində yeni müqavilə təklif olunub. Lakin bu təklif rədd edilib.
İdman.Biz Footmercato-ya istinadla xəbər verir ki, 2025-ci il "Qızıl top" mükafatının sahibinin ətrafı komandadan bundan ikiqat artıq məbləğ tələb edib.
Mənbənin məlumatına görə, tərəflər hazırda 2028-ci ilin yayında başa çatacaq müqaviləni uzatmaqdan uzaqdırlar.
28 yaşlı hücumçu 2023-cü ilin yayından bəri PSJ-də oynayır. Bu müddət ərzində Dembele bütün yarışlarda 111 oyunda meydana çıxıb, 47 qol vurub və 34 məhsuldar ötürmə edib.
Transfermarkt portalındakı məlumata görə, onun bazar dəyəri 100 milyon avrodur.
