Lent.az
PSJ-nin hücumçusu, "Qızıl top" mükafatı sahibi Usman Dembele örnək götürdüyü futbolçuların adını çəkib.
Lent.az xəbər verir ki, fransalı oyunçu xüsusilə 2017–2021-ci illərdə "Barselona"da birlikdə oynadığı Lionel Messini qeyd edib.
"Barselonada Lionel Messi ilə oynayırdım. Onun necə hərəkət etdiyini, rəqibləri necə çaşdırdığını görmək lazım idi. Mən həmişə bilirdim ki, top dəqiq onun ayağına çatacaq, çünki Buskets onu mükəmməl anlayırdı. Messi doqquz nömrə mövqeyində oynayır, cinahlara keçir, meydanda boşluq olan hər yerdə olurdu. O, ofsayd xəttində dayanıb qəfil irəli atılırdı.
Mən bunu yeddi il müşahidə etmişəm. Bu gün özüm də bənzər tərzdə oynamağa çalışıram. Həmçinin Harri Keynə də baxıram. O, möhtəşəm futbolçudur. "Real"da Mbappe doqquz nömrə mövqeyində çıxış edir. Onlar izlədiyim futbolçulardır", – Dembele verdiyi müsahibədə deyib.
