Idman.biz
Bu ilin "Qızıl top"unu qazanmağa əsas namizədlərdən biri olan PSJ-nin hücumçusu Usman Dembele məhsuldar çıxışının səbəbini açıqlayıb.
İdman.biz xəbər verir ki, 28 yaşlı fransalı futbolçu 2024/25-ci illər mövsümündə klub futbolunda 49 oyunda 33 qol vurub və 15 məhsuldar ötürmə edib.
O, "France Football"a müsahibəsində "doqquz nömrə" (mərkəz hücumçusu) ilə sağ cinah hücumçusunun eyni funksiyanı daşımadığını deyib: "Doqquz nömrə" kimi qapının önündə olarkən, sən daha az yorulursan, cərimə meydançasının xəttində olursan. Bundan əlavə, topa toxunduğum anda, ötürmə vermək və ya qol vurmaqdan əvvəl, bir-iki müdafiəçini keçməli oluram. Halbuki sağ cinah hücumçusu mövqeyində oynayanda ön xəttdə yanında hücumçu, sol müdafiəçi, yarımmüdafiəçi, mərkəzi müdafiəçi kimi oyunçular olur… sən qapının önündə olursan və onlara ötürmə verirsən.
Mövsümün əvvəlindən hər oyuna özümə üç qol vuracağamı deyərək başlayıram. Sonra bir-iki qol vuranda da bunu yaxşı nəticə hesab edirəm".
İdman.biz
