Idman.biz
"Barselona"nın idman direktoru Deko qapıçı Mark-Andre ter Stegenin İspaniya Superkubokunun keçirildiyi Səudiyyə Ərəbistanını tərk etməsinin səbəbini izah edib.
İdman.Biz bildirir ki, "blauqrana"nın rəhbəri alman qapıçının diz problemləri barədə danışıb.
"Ter Stegen dizində narahatlıq hiss edib və Mark narahat olub, bu da təbiidir, çünki əvvəllər də problemləri olub. O, sakitdir və biz şadıq ki, ciddi bir şey yoxdur", - Sport.es Dekonun sözlərini sitat gətirir.
Daha əvvəl 33 yaşlı Mark-Andre ter Stegenin qış transfer pəncərəsində klubdan ayrıla biləcəyi bildirilirdi. Qapıçı bu mövsüm Kataloniya klubunda yalnız bir dəfə meydana çıxıb.
