Idman.biz
"Barselona"nın yarımmüdafiəçisi Frenki de Yonq "Atletiko Madrid"lə qarşılaşmada əsas heyətdə meydana çıxmağa hazır olduğunu açıqlayıb.
İdman.Biz xəbər verir ki, üç aylıq zədədən sonra yaşıl meydanlara qayıdan niderlandlı futbolçu artıq özünü yaxşı hiss etdiyini və ilk dəqiqələrdən oynamaq istədiyini bildirib.
"Məni heç nə narahat etmir. Özümü yaxşı hiss edirəm və oyuna ilk dəqiqələrdən başlamağa motivasiyalıyam", - deyə De Yonq "Aston Villa" ilə Çempionlar Liqası matçından sonra bildirib.
Lakin "Barselona"nın baş məşqçisi Hans-Diter Flik futbolçunun tam hazır olmadığını düşünür:
"Frenki hələ 100 faiz hazır deyil, amma yaxşı səviyyədədir. Zədədən sonra bu, normaldır. Addım-addım irəliləyirik. O, əla futbolçudur".
Rodrinin zədələnməsi kataloniyalıların yarımmüdafiəsində dəyişiklikləri gündəmə gətirib. Flikin qarşısında Mark Bernala güvənmək və ya De Yonqu əsas heyətə qaytarmaq variantları var.
Qeyd edək ki, niderlandlı futbolçu son oyunlarda müxtəlif mövqelərdə çıxış edib. O, "Alaves"lə görüşdə mərkəz müdafiəçisi kimi oynayıb, "Real Madrid" və "Aston Villa" ilə qarşılaşmalarda isə daha irəlidə istifadə olunub.
De Yonqun "Atletiko Madrid"lə oyunda əsas heyətdə olub-olmayacağına Flik qərar verəcək.
