Sport24.az
2026-cı il dünya çempionatının Asiya zonası üzrə seçmə mərhələsi çərçivəsində İran - BƏƏ oyununda qeyri-adi hal yaşanıb. Sport24.az xəbər verir ki, görüşün ilk hissəsi elektrik kəsintisi səbəbindən yarımçıq dayandırılıb. Elektrikin bərpasından sonra isə VAR-dakı problemə görə oyuna yenidən fasilə verilib.
Bütün bunlara görə ilk hissəyə 29 dəqiqə əlavə olunub. Ümumilikdə matçın 1-ci hissəsi 74 dəqiqə olub.
Bu, milli komandalar səviyyəsində oyunun 1 hissəsinə əlavə olunan ən uzun müddətdir. Əvvəlki rekord 24 dəqiqə idi.
Klub səviyyəsində rekord isə 35 dəqiqəyə bərabərdir.
Qeyd edək ki, İran - BƏƏ matçı meydan sahiblərinin 2:0 hesablı qələbəsi ilə yekunlaşıb.
