Idman.biz
Bu gün DÇ-2026-nın Avropa zonası üzrə seçmə mərhələsində növbəti oyunlar keçirilib.
İdman.biz xəbər verir ki, 3 qrupda 6 görüş baş tutub.
İlk olaraq meydançaya K qrupunda yarışan Latviya və Serbiya komandaları çıxıblar. Oyunda hesabı serbiya Vlaxoviç 12-ci dəqiqədə açıb - 0:1. Birinci hissə bu hesabla da başa çatıb. İkinci hissədə qapılara qol vurulmayıb və görüş qonaqların minimal hesablı qələbəsi ilə başa çatıb.
K qrupunun digər oyununda İngiltərə Andorra ilə qarşılaşıb. Oyunda hesabı Andorra millisinin üzvü Qarsia başla topu öz qapısından keçirməklə açıb - 1:0. Komandalar fasiləyə bu hesabla yollanıblar. Fasilədən sonra 67-ci dəqiqədə Rays ikinci topu qonaqların qapısından keçirib - 2:0. Oyun bu hesabla da qurtarıb.
F qrupunda Ermənistan yığması ilk oyunda Portuqaliya millisini qəbul edib. Qonaqlar birinci hissədə Joao Feliks (10) və Ronaldonun (21) qolları ilə irəli çıxıblar - 0:2. 32-ci dəqiqədə Joao Kanselu fərqi üç topa çatdırıb - 0:3. Birinci hissə bu hesabla qurtarıb. 46-cı dəqiqədə Ronaldo görüşdə özünün ikinci topunu vurub - 0:4. 62-ci dəqiqədə Feliks də oyunda özünün ikinci topunu vuraraq yekun hesabı bəlli edib - 0:5.
Bu qrupun digər qarşılaşmasında İrlandiya və Macarıstan üz-üzə gəliblər. Oyuna daha yaxşı başlayan macarlar 2-ci dəqiədə Varqanın qolu ilə irəli çıxıblar - 0:1. 15-ci dəqiqədə Sallai hesab arasındakı fərqi atrtırıb - 0:2. Birinci hissə bu hesabla qurtarıb. İkinci hissənin 52-ci dəqiqəsində Sallai qırmızı vərəqə alaraq meydançanı tərk edib. Üstünlükdə olan irlandlar 49-cu dəqiqədə Fergüsonun və 90+3-də Aydanın qolları ilə yekun hesabı müəyyən ediblər - 2:2.
H qrupunda Avstriya Kipri qəbul edib. Oyunun ilk yarısında hesab açılmayıb. İkinci hissədə 54-cü dəqiqədə Sabitser penaltidən Avstriyanı önə çıxarıb - 1:0. Görüş avstriyalıların minimal hesablı qələbəsi ilə bitib.
H qrupunun digər görüşü San Marino ilə Bosniya və Herseqovina komandaları arasında baş tutub. Görüşdə hesabı 21-ci dəqiqədə qonaqlardan Tahiroviç açıb - 0:1. Meydan sahibləri 16-cı dəqiqədə Qolinuççi qırmızı vərəqə aldıqdan sonra meydanda azlıqda qalıblar. Oyunun ilk yarısı Bosniya və Herseqovinanın minimal üstünlüyü ilə başa çatıb. İkinci hissədə Ceko (70, 72), Bazdar (81), Alaybeqoviç (85) və Muyakiç (90) hesabı 6:0-a çatdırıblar.
DÇ-2026, seçmə mərhələ
6 sentyabr
F qrupu
20:00. Ermənistan - Portuqaliya - 0:5
Qollar: Feliks (10, 62), Ronaldo (21, 46), Kanselu (32)
22:45. İrlandiya - Macarıstan - 2:2
Qollar: Fergüson (49), Ayda (90+3); Varqa (2), Sallai (15)
| 1 | Portuqaliya | 1 | 1 | 0 | 0 | 5-0 | 3 |
| 2 | Macarıstan | 1 | 0 | 1 | 0 | 2-2 | 1 |
| 3 | İrlandiya | 1 | 0 | 1 | 0 | 2-2 | 1 |
| 4 | Ermənistan | 1 | 0 | 0 | 5 | 0-5 | 0 |
H qrupu
22:45. San Marino - Bosniya və Herseqovina - 0:6
Qollar: Tahiroviç (21), Ceko (70, 72), Bazdar (81), Alaybeqoviç (85), Muyakiç (90)
22:45. Avstriya – Kipr - 1:0
Qollar: Sabitser (54, p)
| 1 | Bosniya və Herseqovina | 3 | 3 | 0 | 0 | 4-1 | 9 |
| 2 | Avstriya | 2 | 2 | 0 | 0 | 6-1 | 6 |
| 3 | Rumıniya | 4 | 2 | 0 | 2 | 8-4 | 6 |
| 4 | Kipr | 3 | 1 | 0 | 2 | 3-4 | 3 |
| 5 | San Marino | 4 | 0 | 0 | 4 | 1-12 | 0 |
K qrupu
17:00. Latviya - Serbiya - 0:1
Qollar: Vlaxoviç (12)
20:00. İngiltərə - Andorra - 2:0
Qollar: Qarsia (25, aq), Rays 67
| 1 | İngiltərə | 4 | 4 | 0 | 0 | 8-0 | 12 |
| 2 | Serbiya | 3 | 2 | 1 | 0 | 4-0 | 7 |
| 3 | Albaniya | 4 | 1 | 2 | 1 | 4-3 | 5 |
| 4 | Latviya | 4 | 1 | 1 | 2 | 2-5 | 4 |
| 5 | Andorra | 5 | 0 | 0 | 5 | 0-10 | 0 |
İdman.biz
