Idman.biz
2026-cı il iyunun 11-də start götürəcək futbol üzrə növbəti dünya çempionatına təxminən bir il vaxt qalıb.
İdman.biz xəbər verir ki, ilk dəfə üç ölkədə - ABŞ, Kanada və Meksikada keçiriləcək mundialın 48 iştirakçısından hələ yalnız 10-u bəllidir.
Asiyadan daha çox - 5 komanda artıq vəsiqəni təmin edib ki, bunlar Cənubi Koreya, İran, Yaponiya və debütantlar İordaniya və Özbəkistandır.
Şimali və Mərkəzi Amerika və Karib hövzəsindən ABŞ, Kanada və Meksika turnirin ev sahibləri kimi mundialda oynamaq hüququ əldə ediblər.
Vəsiqə qazanması dəqiqləşən digər komandalar isə Cənubi Amerikadan dünya çempionu Argentina və Okeaniyadan Yeni Zelandiyadır.
Qeyd edək ki, davam edən seçmə mərhələ çərçivəsində iyunun 10-da keçiriləcək Səudiyyə Ərəbistanı - Avstraliya matçında daha bir vəsiqənin sahibi müəyyənləşəcək. Həmin gün həmçinin səfərdə Argentina ilə qarşılaşacaq Venesuelanın büdrəməsi ilə Cənubi Amerika zonasından da mundiala çıxacaq bəzi komandalar bəlli ola bilər.
İdman.biz
